Atli í baráttunni í leiknum í dag.
Breiðablik vann KA 1-0 í úrslitaleik Lengjubikarsins í dag. Fótbolti.net ræddi við Atla Svein Þórarinsson, fyrirliða KA, eftir leikinn en KA stefnir á að komast upp úr 1. deildinni í sumar.
„Hún er þung silfurmedalína," sagði Atli.
„Fyrstu viðbrögðin eftir leik eru þau að mér fannst Blikarnir betri. Við fórum of varkárir inn í leikinn, náðum svo að vinna okkur inn í hann en erum alltaf að elta þetta eina mark. Við bara lærum af þessu."
„Við erum svekktir með þetta en við ætlum okkur að fara upp í sumar. Sumarið er nýtt verkefni og miklu mikilvægara. Það er aðalmálið. 1. deildin er orðin það sterk að maður þarf að hafa valinn mann í hverju rúmi og vonandi höfum við það."
Viðtalið má sjá í heild sinni hér að ofan.
Athugasemdir
