Skosku erkifjendurnir úr Glasgow, Celtic og Rangers mættust í undanúrslitum skoska bikarsins í dag.

Þetta var í 407. skipti sem liðin mættust en Celtic er nú þegar búið að tryggja sér skoska meistaratitilinn og skoska deildabikarinn.

Meistararnir byrjuðu betur og kom Callum McGregor þeim yfir á 11. mínútu. Það var svo Scott Sinclair sem innsiglaði 2-0 sigur Celtic með marki úr vítaspyrnu.

Þetta var 150. sigur Celtic á Rangers en Rangers hefur unnið 159 leiki.

Celtic er því komið í úrslit skoska bikarsins og þar mæta þeir Aberdeen og getur því fullkomnað skosku titilþrennuna.