Fyrstu leikir KA
28. apríl Fjölnir - KA (Egilshöll)
1. maí Haukar - KA (Gaman-ferða völlurinn)
6. maí Fylkir - KA (Egilshöll)

„Ég held að við tjöldum fyrir utan Egilshöllina og spilum þrjá útileiki á einni viku," sagði Srdjan Tufegdzic, Túfa, þjálfari KA léttur í bragði. „Við höfum spilað alla leiki í vetur innanhús. Það kemur bikarleikur þarna á milli og hann er líka á gervigrasi."

„Ég var um helgina í bænum til að horfa á Fjölni og safna upplýsingum fyrir fyrsta leik. Þú getur ekki valið hvaða lið þú mætir fyrst og ég býst við hörkuleik á móti góðu Fjölnisliði."

Guðmann Þórisson byrjar fyrstu tvo leikina í banni og vinstri bakvörðurinn Milan Joksimovic verður ekki með í byrjun sumars.

„Sá eini sem er meiddur og missir af byrjun móts er vinstri bakvörðurinn Milan. Steinþór Freyr (Þorsteinsson) er að koma til og verður klár. Við erum klárir og bíðum spenntir eftir að mótið byrjar," sagði Túfa.

Hér að ofan má sjá viðtalið í heild sinni.

Ekki gleyma Draumaliðsdeild Eyjabita!
Mundu að gera breytingar á þínu liði í Draumaliðsdeild Eyjabita. Hægt er að skrá sig í allt sumar. Markaðurinn lokar klukkutíma fyrir fyrsta leik umferðarinnar.
Smelltu hér til að taka þátt í Draumaliðsleiknum!