Huginn gerði sér góða ferð á Hofsós þar sem þeir lögðu lið Tindastóls frá Sauðárkróki 2-0, en mörkin komu á fyrsta korterinu ásamt því að Benjamin James Griffiths fékk að líta rauða spjaldið eftir 6 mínútna leik. Það áttu tvö rauð spjöld eftir að fara á loft á Hofsósi, en Sigurður Halldórsson, þjálfari Tindastóls fékk rautt spjald á 84. mínútu og Atli Gunnar Guðmundsson hjá Huginn fékk rautt undir lok leiks.

Á Höfn í Hornafirði kláruðu heimamenn í Sindra lið KF, sem kemur frá Siglufirði/Ólafsfirði. Atli Haraldsson og Hilmar Þór Kárason með mörkin fyrir heimamenn en Jordan Chase Tyler með mark norðanmanna.

Ísleifur Guðmundsson, Jovan Kujundzic og Jordan Farahani skoruðu mörk Hattar frá Egilsstöðum í 3-0 heimasigri á KV og ÍR gerði frábæra ferð á Þorlákshöfn og lagði Ægi 4-0. Jón Gísli Ström, Andri Jónasson og Jóhann Arnar Sigurþórsson skoruðu mörk ÍR-inga en Jóhann setti tvö.

Þá eru tveir leikir í deildinni seinna í dag, en það er markalaust í hálfleik í Mosfellsbænum í leik Aftureldingar og Leiknis frá Fáskrúðsfirði. Dalvík/Reynir kemur þá í heimsókn til Njarðvíkur og hefst sá leikur klukkan 16:00.

Tindastóll 0 - 2 Huginn
0-1 Marko Nikolic ('6)
0-2 Fernando Revilla Calleja ('15)
Rautt spjald: Benjamin James Griffiths (Tindastóll '6), Sigurður Halldórsson (Þjálfari Tindastóls '84), Atli Gunnar Guðmundsson (Huginn '90)

Sindri 2 - 1 KF
1-0 Atli Haraldsson ('66)
2-0 Hilmar Þór Kárason ('73)
2-1 Jordan Chase Tyler ('84)

Höttur 3 - 0 KV
1-0 Ísleifur Guðmundsson ('22)
2-0 Jovan Kujundzic ('90)
3-0 Jordan Farahani ('90)

Ægir 0 - 4 ÍR
0-1 Andri Jónasson ('32)
0-2 Jóhann Arnar Sigurþórsson ('37)
0-3 Jóhann Arnar Sigurþórsson ('49)
0-4 Jón Gísli Ström ('73)