„Ég þakka Guði fyrir að EM er framundan. Þá er maður ekki í þunglyndi í allt sumar. Maður getur stillt sig inn á EM og gleymt því sem hefur gengið á," sagði Jóhann Berg Guðmundsson við Fótbolta.net fyrir æfingu íslenska landsliðsins í dag.
Jóhann á erfitt tímabil að baki með Charlton en liðið féll úr Championship deildinni og stuðningsmenn mótmæltu eignarhaldi félagsins gífurlega.
„Ég hef aldrei lent í öðru eins. Það voru þrír þjálfarar á tímabilinu, mikið af mótmælum hjá stuðningsmönnum og leikir stoppaðir undir lokin. Það var allt í rugli og þetta er eitthvað sem ég held að ég muni ekki upplifa aftur."
Jóhann á erfitt tímabil að baki með Charlton en liðið féll úr Championship deildinni og stuðningsmenn mótmæltu eignarhaldi félagsins gífurlega.
„Ég hef aldrei lent í öðru eins. Það voru þrír þjálfarar á tímabilinu, mikið af mótmælum hjá stuðningsmönnum og leikir stoppaðir undir lokin. Það var allt í rugli og þetta er eitthvað sem ég held að ég muni ekki upplifa aftur."
Jóhann Berg reiknar með að yfirgefa herbúðir Charlton í sumar. „Ég held að það sé nokkuð ljóst en maður veit aldrei í fótbolta. Ég vil spila í sterkari deild en League One, með fullri virðingu fyrir þeirri deild."
Jóhann segir að ekkert muni skýrast í hans málum fyrr en eftir EM í Frakklandi.
„Ég og umboðsmenn mínir höfum ákveðið að bíða eftir EM. Ég vil undirbúa mig vel fyrir EM og sjá hvað gerist eftir það. Maður hefur heyrt af áhuga frá öðrum liðum en við ætlum að bíða eftir EM."
Hér að ofan má sjá viðtalið í heild sinni.
Athugasemdir