Ólafur Íshólm Ólafsson úr Fylki og Aron Snær Friðriksson úr Breiðabliki voru í markinu á æfingu íslenska landsliðsins í dag.
Einungis hluti íslenska landsliðshópsins er kominn saman til undirbúnings fyrir EM þar sem leikmenn í dönsku, norsku og sænsku deildinni eiga leiki með sínum félagsliðum um næstu helgi.
Hannes Þór Halldórsson (Bodö/Glimt), Ingvar Jónsson (Sandefjord) og Ögmundur Kristinsson (Hammarby) eiga allir leiki framundan um næstu helgi.
Því fengu hinir ungu Ólafur Ísólm og Aron Snær tækifæri til að vera í markinu á landsliðsæfingunni í dag.
Ólafur er fæddur árið 1995 en hann varði mark Fylkis gegn ÍA um helgina. Aron Snær er fæddur árið 1997 en hann var á bekknum þegar Breiðablik lagði KR í gær.
Athugasemdir