Real Madrid hafa gengið frá kaupum á 16 ára brasilíkumanni að nafni Vinicius Junior en hann kemur til félagsins frá Flamengo í heimalandi hans.

Leikmaðurinn mun hinsvegar ekki ganga í raðir Real Madrid fyrr en í júlí á næsta ári en Barcelona hafði einnig sýnt unglingnum áhuga.

Vinicius sem er aðeins 16 ára gamall og má hann því ekki ganga í raðir Real Madrid fyrr en hann verður orðinn 18 ára gamall. Real ætlar sér þó að lána leikmanninn til Flamengo þar til í júlí 2019.

Samkvæmt fjölmiðlum á Spáni og í Brasilíu er kaupverðið talið vera í kringum 45 milljónir evra.

Vinicius hefur vakið athygli stærstu liða heims eftir vaska framgöngu með unglingaliði Brasilíu en hann var markahæsti leikmaður u-17 ára landsliðsins í Suður-Ameríkukeppninni þar sem hann skoraði sjö mörk.

Talið er Real Madrid ákváðu að tryggja sér þjónustu kappans svona snemma vegna þess að þeir eru enn í sárum yfir því að hafa misst af Neymar til Barcelona á sínum tíma og þeir vilja ekki sjá söguna endurtaka sig.