Unai Emery hefur tekið við sem knattspyrnustjóri Arsenal og þegar er farið að ræða um hvaða leikmenn hann muni reyna að fá með sér til London.
Emery hefur stýrt stórliðum á borð við Valencia, Sevilla og Paris Saint Germain.
Emery hefur stýrt stórliðum á borð við Valencia, Sevilla og Paris Saint Germain.
Hann mun pottþétt horfa til einhverra leikmanna sem hann hefur áður unnið með.
Mirror skoðaði fimm mögulega kosti.
1. Steven Nzonzi - Sevilla
Þessi kraftmikli leikmaður hefur oft verið orðaður við endurkomu í ensku úrvalsdeildina eftir að hann yfirgaf Stoke fyrir La Liga. Koma Emery til Arsenal gæti verið kjörið tækifæri.
Það hafa verið sett spurningamerki varðandi gæðin á miðju Arsenal. Óstöðugleiki Granit Xhaka er áhyggjuefni. Nzonzi á aðeins tvö ár eftir af samningi sínum við spænska félagið.
2. Julian Draxler - Paris Saint Germain
Þjóðverjinn er nánast alltaf orðaður við ensku úrvalsdeildina en hann var sterklega nefndur varðandi Manchester City, Chelsea, Liverpool og Arsenal áður en hann hélt í frönsku höfuðborgina.
Vængmaðurinn er mun líklegri til að fá spilmínútur hjá Arsenal en hjá PSG þar sem samkeppnin er mikil um hans stöðu.
3. Jeremy Mathieu - Valencia
Emery vann með franska miðverðinum Jeremy Mathieu hjá Valencia en hann er í dag hjá Sporting Lissabon. Arsenal vantar klárlega sannan leiðtoga í klefann.
Emery og Mathieu unnu saman í yfir þrjú ár hjá Valencia með góðum árangri og Arsenal þarf á kröftugum miðverði að halda.
4. Adrien Rabiot - Paris Saint Germain
Franskur landsliðsmaður sem kemur úr unglingastarfi PSG og vakið mikla athygli. 'Teig í teig' miðjumaður sem var reglulegur byrjunarliðsmaður undir stjórn Emery tímabilin tvö í París.
Rabiot gæti klárlega styrkt miðsvæði PSG en hann á aðeins rúmlega ár eftir af núgildandi samningi.
5. Kevin Trapp - Paris Saint Germain
Arsenal hefur í nokkurn tíma verið að líta eftir framtíðarmarkverði. Varamarkvörður PSG, Kevin Trapp, gæti verið kostur í rammann.
Hann er á eftir Alphonse Areola í goggunarröðinni á Parc des Princes en er er 27 ára og ætti að vera að fara í sitt besta skeið.
Íslenskir stuðningsmenn Arsenal tjá sig um ráðninguna á Emery
Athugasemdir