„Jájá þetta er fínt, eitt stig á flottum velli, geggjaður völlur og ég er bara sáttur sagði Alexander Freyr fyrirliði Hauka eftir markalaust jafntefli liðsins í Breiðholti gegn Leikni Reykjavík í 8. umferð Inkasso-deildarinnar.

„Það lág svolítið á okkur, ég er sammála því en það er engin heppni í þessu er það?" sagði Alexander þegar hann var spurður hvort þeir gætu talið sig heppna með að ná jafntefli í þessum leik.

Þá kvaðst hann einnig ekki vera ánægður með stigasöfnun liðsins en liðið er með tíu stig þegar átta umferðir eru búnir.

Alexander átti þó prýðisleik og skallaði mímarga bolta frá marki Hauka en Leiknisliðið dældi inn fyrirgjöfum sem Haukavörnin réði vel við. Þá bjargaði hann á línu í lok leiks og var að vonum ánægður með það.
„Maður stendur þarna inná til þess að gera eitthvað og það var fínt að maður geti staðið sig einhverntímann.

Gunnar Gunnarsson sem stóð vaktina með Alexanderi í hjarta varnarinnar fékk að lýta rauða spjaldið þegar að fimm mínútur voru eftir af leiknum og gestirnir voru ekki hæstánægður með þann brottrekstur og létu dómara leiksins vita af óánægju sinni.

„Í svona momentum þá gleymir maður sér stundum. Jújú gult spjald kannski en mér þætti vænt um ef að menn myndu hugsa okei fyrsta gula var kannski ekki alveg pjúra gult, það var kannski smá vigt í því en ég nenni lítið að pæla í því."
Sagði Alexander um viðbrögð sinna manna við rauða spjaldinu.

Viðtalið í heild sinni má sjá í spilaranum hér að ofan.