Malen, Maguire, Rashford, Greenwood, Yoro, Eriksen og fleiri góðir í slúðri dagsins
   fös 23. júní 2017 12:00
Arnar Daði Arnarsson
Úrvalslið 1-9 í Pepsi-deild kvenna
Bryndís Lára er í marki fyrri umferðar.
Bryndís Lára er í marki fyrri umferðar.
Mynd: Fótbolti.net - Jónína Guðjörg Guðbjartsdóttir
Bianca Sierra og Hulda Björg eru báðar í liðinu.
Bianca Sierra og Hulda Björg eru báðar í liðinu.
Mynd: Fótbolti.net - Hafliði Breiðfjörð
Fanndís er í liðinu.
Fanndís er í liðinu.
Mynd: Fótbolti.net - Hafliði Breiðfjörð
Sigríður Lára er á miðjunni.
Sigríður Lára er á miðjunni.
Mynd: Fótbolti.net - Tomasz Kolodziejski
Cloé Lacasse og Hulda Björg í baráttunni í sumar. Þær eru báðar í liðinu.
Cloé Lacasse og Hulda Björg í baráttunni í sumar. Þær eru báðar í liðinu.
Mynd: Fótbolti.net - Sævar Geir Sigurjónsson
Keppni í Pepsi-deild kvenna er hálfnuð en 9. umferðinni lauk fyrr í vikunni. Hér að neðan má sjá úrvalslið umferða 1-9 að mati Fótbolta.net.


Bryndís Lára Hrafnkelsdóttir - Þór/KA
Gekk í raðir Þórs/KA fyrir tímabilið og hefur stimplað sig inn sem einn af betri markmönnum deildarinnar. Hefur aðeins fengið á sig þrjú mörk í sumar. Þar af tvö úr vítum. Er vel af þessu staðin. Mikill karakter og frábær liðsfélagi. Happafengur fyrir Þór/KA.

Hulda Björg Hannesdóttir - Þór/KA
Verið mikilvægur hlekkur í öflugri vörn Þórs/KA í sumar. Tekið virkan þátt í sóknarleik liðsins. Þessi 17 ára stelpa, lék aðeins rúmlega 10 mínútur í Pepsi-deildinni í fyrra. Ótrúleg frammistaða á sínu fyrsta tímabili.

Bianca Sierra - Þór/KA
Hún og Lillý Rut hafa verið hjartað í sterkustu vörn deildarinnar í sumar. Erfitt að gera upp á milli þeirra. Bianca kom til Þórs/KA fyrir sumarið og hefur fjórum sinnum verið í úrvalsliði umferðarinnar. Mikill fengur fyrir Þór/KA.

Guðný Árnadóttir - FH
Enn einn aldarmótar-leikmaðurinn sem er að stimpla sig inn í þessa deild. 16 ára lék hún 16 leiki með FH í fyrra og er núna að taka risa stórt skref fram á við. Stjórnar vörn FH eins og herforingi og tekur flest öll föst leikatriði liðsins. Þrjú mörk í sumar frá Guðnýju takk fyrir.

Hlín Eiríksdóttir - Valur
Ein af þremur í vörninni fædd árið 2000. Eftir að hún fékk traustið í liði Vals hefur spilamennska liðsins batnað til muna. Virkilega efnilegur leikmaður sem fékk meira hlutverk í liði Vals í kjölfar þess að Elísa Viðarsdóttir sleit krossband. Leggur upp mörk og tekur virkan þátt í sóknar uppbyggingu Valsliðsins. Hefur leyst stöðuna sem hægri vængbakvörður mjög vel en hún spilaði upp alla yngri flokka á vinstri kantinum.

Svava Rós Guðmundsdóttir - Breiðablik
Þrátt fyrir að hafa ekki verið valin í EM hópinn þá hefur hún spilað virkilega vel í sumar. Hefur skorað þrjú mörk og lagt upp að minnsta kosti þrjú til viðbótar. Býr yfir gríðarlegum hraða og hefur bætt sinn leik mikið.

Sigríður Lára Garðarsdóttir - ÍBV
Akkerið á miðjunni hjá ÍBV auk Rutar Kristjánsdóttur. Þvílíkur vinnuhestur sem hefur unnið sér sæti í íslenska landsliðinu. Ein af ástæðunum fyrir góðu gengi Eyjaliðsins fyrri hluta móts. Er að stimpla sig inn sem einn besta miðjumann Íslands.

Katrín Ásbjörnsdóttir - Stjarnan
Fór ekki inn á knattspyrnuvöllinn í upphafi móts án þess að skora mark eða mörk. Er markahæst í deildinni með átta mörk ásamt Fanndísi. Tekið við sem leiðtogi í Stjörnuliðinu og unnið sér sæti í landsliðinu.

Fanndís Friðriksdóttir - Breiðablik
Í sumar hefur Fanndís stimplað sig inn sem einn af bestu leikmönnum deildarinnar. Breiðablik missti töluvert af leikmönnum fyrir tímabilið en Fanndís hefur ekki látið það á sig fá. Eftir að hafa lagt meira púður í að leggja upp mörk í fyrra hefur hún heldur betur verið á skotskónum í sumar og er markahæst ásamt Katrínu.

Cloé Lacasse - ÍBV
Hún verður bara betri og betri. Á sínu þriðja ári í Eyjum hefur Cloé verið nær óstöðvandi í sumar. Skorað sjö mörk í níu umferðum og ekkert þeirra úr vítum. Hrikalega hraður og öflugur leikmaður sem hefur látið þónokkra varnarmenn andstæðinga líta illa út í sumar. Frábær leikmaður.

Sandra Stephany Mayor Gutierrez - Þór/KA
Hvar á maður að byrja? Borgarstjórinn fyrir norðan heldur áfram að slá í gegn eftir að hafa komið inn í deildina í fyrra með látum. Hún hefur skorað sex mörk og lagt upp önnur sex fyrir Þór/KA í sumar. Virðist oft á tíðum vera óstöðvandi.

Varamenn:
Lindsey Harris - FH
Ingibjörg Sigurðardóttir - Breiðablik
Lillý Rut Hlynsdóttir - Þór/KA
Elín Metta Jensen - Valur
Agla María Albertsdóttir - Stjarnan
Natalia Ines Gomez Junco Esteva - Þór/KA
Berglind Björg Þorvaldsdóttir - Breiðablik
Athugasemdir
banner
banner
banner
banner
banner