Malen, Maguire, Rashford, Greenwood, Yoro, Eriksen og fleiri góðir í slúðri dagsins
   fös 23. júní 2017 15:15
Magnús Már Einarsson
Vildarbörn fengu 410 þúsund eftir vítaspyrnukeppnina
Sveinbjörn Jónasson mótsstjóri og Dóra Elín Atladóttir hjá Icelandair.
Sveinbjörn Jónasson mótsstjóri og Dóra Elín Atladóttir hjá Icelandair.
Mynd: Fótbolti.net - Hafliði Breiðfjörð
410 þúsund krónur söfnuðust í keppninni vítaskytta Íslands sem Fótbolti.net stóð fyrir um þarsíðustu helgi þegar Ísland mætti Króatíu.

Styrmir Erlendsson stóð uppi sem sigurvegari í keppninni en þátttakendur voru í kringum 300.

Aldrei hefur jafnhá upphæð safnast í vítaspyrnukeppninni en í fyrra söfnuðust 368 þúsund krónur.

Þátttakendur borguðu þátttökugjald sem rennur allt í gott málefni. Peningurinn fer til Vildarbarna Icelandair en upphæðin mun fara í að senda langveik börn og fjölskyldur þeirra í draumaferðina.

Dóra Elín Atladóttir, hjá Vildarbörnum, tók við upphæðinni í dag en Sveinbjörn Jónasson mótsstjóri vítaspyrnukeppninnar afhenti hana.

Þetta var fjórða árið í röð sem Fótbolti.net er með vítaspyrnukeppni og keppnin hefur heldur betur fest sig í sessi. Stefnt er á að hafa keppnina ennþá stærri á næsta ári.

Sjá einnig:
Vítaskytta Íslands 2017 vann keppnina í strigaskóm
Athugasemdir
banner
banner
banner