Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 23. júní 2018 09:56
Magnús Már Einarsson
Myndir: Raggi snoðaður - Sárið sést vel
Icelandair
Skurðurinn sem Ragnar fékk eftir samstuðið við Musa.
Skurðurinn sem Ragnar fékk eftir samstuðið við Musa.
Mynd: Fótbolti.net - Hafliði Breiðfjörð
Ragnar Sigurðsson, varnarjaxl í íslenska landsliðinu, varð að fara af velli eftir rúman klukktíma í tapinu gegn Nígeríu í gær.

Þegar Ahmed Musa kom Nígeríu yfir í byrjun síðari hálfleiks fór hann harkalega utan í Ragnar.

Ragnar lá á jörðinni þegar Musa hljóp af stað til að fagna markinu. Hnéð á Musa fór af krafti í hnakkann á Ragnari.

Ragnar varð alblóðugur í kjölfarið og lá á vellinum í nokkrar mínútur meðan hugað var að honum. Ragnar fékk vafning um höfuðið og hélt áfram í nokkrar mínútur áður en hann varð að fara af velli og Sverrir Ingi Ingason kom inn á.

Ragnar mætti í dag á létta æfingu ásamt öðrum leikmönnum sem voru í byrjunarliðinu í gær. Ragnar snoðaði sig eftir leikinn í gær og því sést sárið hans vel.

Hér að neðan má sjá fleiri myndir sem Hafliði Breiðfjörð tók á æfingunni í Kabradinka í dag.
Athugasemdir
banner
banner
banner
banner