FH mætir Neman Grodno í seinni leik liðanna í forkeppni Evrópudeildarinnar annað kvöld á Kaplakrikavelli. Fyrri leikur liðanna fór 1-1 og er FH því í kjörstöðu að tryggja sér áfram í keppninni.
Heimir Guðjónsson býst við erfiðum leik gegn vel spilandi Hvít-rússnesku liði.
Heimir Guðjónsson býst við erfiðum leik gegn vel spilandi Hvít-rússnesku liði.
,,Við náðum fínum úrslitum í fyrri leiknum úti. En við gerum okkur grein fyrir því að leikurinn á morgun verður erfiðari. Þetta er gott lið og sérstaklega sterkir í skyndisóknum," sagði Heimir.
Hann segir að félagsskipti síðasta daga hafi ekki mikil áhrif á liðið en FH-ingar hafa misst tvo framherja á síðustu dögum, þá Kristján Gauta Emilsson og Albert Brynjar Ingason.
,,Það er alltaf slæmt að missa góða leikmenn. Við teljum okkur vera með sterkan leikmannahóp sem telur sig geta leyst þessi hlutverk í leiknum á morgun."
,,Neman Grodno fengu strax í upphafi leiks fínt færi í síðasta leik eftir skyndisókn sem Róbert varði. Síðan er eins og þessi Austur-evrópskulið, þau eru góð að halda boltanum innan liðsins og fínir fótboltamenn. Við teljum okkur hinsvegar geta slegið þetta lið út en til þess þurfum við að eiga mjög góðan leik," sagði Heimir.
Hægt er að sjá blaðamannafundinn í heild sinni í sjónvarpinu hér að ofan.
Athugasemdir