Sigurður Gísli Snorrason.
Fram hefur fengið kantmanninn Sigurð Gísla Snorrason á láni frá FH. Sigurður Gísli, eða Siggi Bond eins og hann er kallaður, hefur komið við sögu í tveimur leikjum í Pepsi-deildinni í sumar.
Sigurður Gísli er fæddur árið 1995 en hann gekk upp úr öðrum flokki síðastliðið haust.
Fram hefur einnig fengið framherjann Ágúst Örn Arnarson frá Augnabliki. Ágúst Örn hefur skorað átta mörk í sjö leikjum 4. deildinni í sumar en í fyrra skoraði hann eitt mark með Fjölni í Pepsi-deildinni.
Ágúst er uppalinn Bliki en hann hefur einnig leikið með Selfossi og Fjarðabyggð á ferli sínum.
Atli Fannar Jónsson, Davíð Einarsson, Hrannar Einarsson og Kristján Atli Marteinsson hafa einnig komið til Fram í þessum mánuði og þá gæti Indriði Áki Þorláksson einnig verið á leið til félagsins.
Allir þessir leikmenn spila í fremstu stöðunum á vellinum nema Hrannar.
Ágúst Örn Arnarson í leik með Augnabliki.
Athugasemdir
