„Tilfinningin er mjög góð, þetta er mjög gaman,” sagði Ian David Jeffs þjálfari ÍBV eftir 0-1 sigur á Þór/KA í undanúrslitum Borgunarbikars kvenna í dag.
Lestu um leikinn: Þór/KA 0 - 1 ÍBV
„Þetta var svona 50/50 leikur, mikil barátta og gæti kallast svona baráttuleikur. Fyrir tímabilið vorum við búin að stefna á að reyna að berjast um deild og bikar. Það gekk svolítið illa í upphafi móts, náttúrlega búin að tapa allt of mörgum leikjum á heimavelli, en við unnum alltaf í bikarnum og þetta var bara stefna okkar að fara alla leið, engin spurning.”
„Við vorum náttúrlega með okkar plan en það fór svolítið út um gluggan þegar við mættum hingað og völlurinn var bara á floti. Það voru pollar inni í vítateignum og á köntunum, en það var svolítið erfitt að spila svo við breyttum planinu og reyndum að vera meira „direct” og komast á bakvið þær.”
ÍBV-stúlkur virtust vera miklu orkumeiri í framlengingunni og réði það úrslitum. Aðspurður um hvort hann hafi verið með liðið á stífum þrekæfingum sagði Ian glottandi:
„Nei, ég er bara ánægður með mína ákvörðun núna að undanfarna leiki var ég að hugsa um þennan leik. Ég kom hingað fyrir fjórum eða fimm dögum síðan og hvíldi Cloe í hálfleik og Rebekah spilaði bara 60 mínútur í tveimur leikjum í röð. Þetta er ákvörðun sem lýtur vel út núna.”
Nánar er rætt við Ian hér að ofan.
Athugasemdir