Kenedy gerði sig sekan um mistök
Chelsea hefur sent frá sér afsökunarbeiðni eftir að Brasilíumaðurinn Kenedy gerði sig sekan um mistök í æfingaferð félagsins.
Chelsea hefur verið í Kína undanfarna daga, en á meðan hefur Kenedy talað illa um landið á Instagram.
Chelsea hefur verið í Kína undanfarna daga, en á meðan hefur Kenedy talað illa um landið á Instagram.
Kenedy setti nokkrar færslur á Instagram um Kína og fólkið í landinu og í kjölfarið var hann sakaður um kynþáttarfordóma. Hann baðst afsökunar, en það virkaði ekki. Það var baulað á hann í gær þegar Chelsea vann Arsenal 3-0 í leik sem fram fór í Kína.
Chelsea sendi í dag frá sér afsökunarbeiðni.
„Chelsea FC biðst innilegrar afsökunar. Kenedy gerði mistök og hann mun læra af því," segir í yfirlýsingu frá félaginu.
„Honum hefur verið refsað fyrir það sem hann gerði."
„Allir hjá Chelsea FC bera mikla virðingu fyrir Kína og við elskum kínverska stuðningsmenn okkar."
Athugasemdir
