sun 23. júlí 2017 07:00
Sigurður Eyjólfur Sigurjónsson
Neymar í miklu stuði þegar Barcelona lagði Juventus
Neymar fagnar fyrsta marki sínu í gærkvöldi.
Neymar fagnar fyrsta marki sínu í gærkvöldi.
Mynd: Getty Images
Juventus 1-2 Barcelona
0-1 Neymar ('15)
0-2 Neymar ('26)
1-2 Giorgio Chiellini ('63)

Neymar var í miklu stuði þegar Barcelona lagði Juventus af velli í International Champions Cup, æfingamótinu í Bandaríkjunum í gærkvöldi.

Fyrsta mark leiksins kom eftir 15. mínútur, Neymar kom þá boltanum í netið eftir góða spilamensku Börsunga, Alcacer lagði upp markið.

Staðan var svo orðin 0-2 eftir aðeins 26 mínútur, Neymar átti þá frábæran sprett í gegnum vörn Juventus áður en hann setti boltann í netið.

Giorgio Chiellini minnkaði svo muninn fyrir Ítalana á 63. mínútu, góður skalli hjá miðverðinum.

Lokastaðan 1-2 fyrir Barcelona sem byrjar undirbúningstímabilið vel.

Hér að neðan má sjá byrjunarliðin frá því í gærkvöldi.











Athugasemdir
banner