Lestu um leikinn: Stjarnan 5 -  0 Grindavík

Baldur Sigurðsson kom Stjörnumönnum á bragðið áður en Guðjón Baldvinsson gerði þrennu á tólf mínútum í síðari hálfleik. Hilmar Árni Halldórsson rak svo síðasta naglann í kistuna og lokatölur 5-0.

Grindavík hefur fengið á sig níu mörk í síðustu tveimur leikjum og var Óli afar ósáttur með Grindvíkinga.

„Ég er fyrst og fremst óánægður með hugarfar minna drengja í dag. Við vorum huglausir, andlausir og agalausir og öll þau gildi sem við trúum á voru ekki til staðar í dag," sagði Óli.

„Þetta var hreint og klárt brot. Jajalo er með takkaför á lærinu eftir það en í stóra samhenginu þá spái ég ekki í það. Það er aukatriði."

„Við lögðum upp með að bounce-a til baka og fara í þetta sem hefur þó komið okkur hingað og halda í það og lögðum mikla vinnu í það í vikunni. Um leið og við fáum mörk í andlitið á okkur en um leið og við fáum þetta annað mark. Við verðum svo agalausir og fáum rassskellingu og ég vil biðja mitt fólk afsökunar á þessu í dag."

„Ég hef lagt upp með það að sýna þennan vilja að fara með gulan haus í þessa bolta í föstu leikatriðunum og það er eitt af því sem við þurfum að laga. Að sjálfsögðu er þetta áhyggjuefni og mér líkar mjög illa við þegar liðið mitt fer út úr því sem við vinnum eftir."

Simon Smidt kom til Grindavíkur á dögunum auk þess sem Eduardo Cruz var að leika sinn fyrsta leik. Smidt var fenginn til að auka víddina í liðinu.

„Ég náttúrulega er að reyna að auka víddina og balance-inn. Okkur vantaði það frá því Jobbi fór. Eduardo var bara vondur eins og allir aðrir í dag, það er erfitt að taka einhvern einn því liðið var bara ekki með í dag. Þetta er í fyrsta skiptið sem ég skammast mín fyrir liðið mitt," sagði hann í lokin.