Wilfried Zaha, vængmaður Crystal Palace, segist hafa orðið fyrir kynþáttaníð á samskiptamiðlum. Á Instagram segir hann að stuðningsmenn Manchester United og Liverpool hafi kallað sig „svartan apa".
Þessi 24 ára leikmaður sem spilaði með Manchester United fyrir nokkrum árum skrifaði:
„Ef stuðningsmönnum Man United og Liverpool líður betur með því að kalla mig svartan apa mega þeir halda því áfram ef dagur þeirra verður betri."
Zaha er í æfingaferð með Crystal Palace í Asíu. Hann póstaði skilaboðunum eftir 2-0 sigur gegn West Brom í æfingaleik en Frank De Boer ásakaði leikmenn West Brom um að hafa reynt að sparka Zaha úr leiknum.
Athugasemdir