Sindri og ÍR gerðu 2-2 jafntefli í síðasta leik dagsins í 2. deild karla.

Þessi úrslit þýða að topplið Fjarðabyggðar hefur tryggt sér sæti í 1. deildinni að ári.

Fjarðabyggð er 13 stigum á undan ÍR í 3. sætinu og fimm stigum á undan Gróttu í 2. sæti. Fjarðabyggð sigraði einmitt Gróttu 3-2 í uppgjöri toppliðanna fyrr í dag.

Fjarðabyggð féll úr 1. deildinni árið 2010 en liðið er nú að fara upp annað árið í röð eftir að hafa unnið 3. deildina í fyrra.