Mario Balotelli og Mahmadou Sakho verða liðsfélagar á komandi dögum.
Mario Balotelli verður staðfestur sem leikmaður Liverpool á mánudaginn eða þriðjudaginn en mun ekki hafa klásúlu í samningi sínum sem segir að hann verði að haga sér vel samkvæmt umboðsmanni leikmannsins.
Balotelli eyddi gærdeginum á Melwood, æfingarsvæði Liverpool til að gangast undir læknisskoðun og ræða persónuleg kjör en Liverpool hefur samþykkt að borga 16 milljón pund fyrir Balotelli.
Orðrómar voru á kreiki að klásúla yrði í samningnum upp á að Balotelli yrði að haga sér vel en umboðsmaðurinn hans segir svo ekki vera.
,,Við klárum samninginn hjá Balotelli á mánudaginn eða þriðjudaginn. Það eru ennþá nokkrir hlutir sem þarf að laga."
,,Samningamál hafa gengið vel. Liverpool er eini klúbburinn á Englandi sem við höfum rætt við."
,,Það er engin klásúla upp á góða hegðun hins vegar," sagði Mino Raiola, umboðsmaður Balotelli.
Athugasemdir
