Fulham hefur staðfest kaupin á varnarmanninum Ragnari Sigurðssyni en hann kemur til félagsins frá Krasnodar í Rússlandi. Kaupverðið verður ekki gefið upp.
Ragnar gerir tveggja ára samning en Fulham á möguleika á að framlengja þann samning um eitt ár til viðbótar.
Ragnar gerir tveggja ára samning en Fulham á möguleika á að framlengja þann samning um eitt ár til viðbótar.
Ragnar sló í gegn á EM í Frakklandi í sumar og var í kjölfarið eftirsóttur af mörgum félögum.
Ragnar var meðal annars orðaður við félög á Englandi en Fulham er nú að tryggja sér þjónustu hans.
Fulham leikur í ensku Championship deildinni en liðið er í 5. sæti með átta stig eftir fjórar umferðir þar.
Ragnar er þrítugur en hann hefur leikið með Krasnodar síðan 2014. Þar áður lék hann með IFK Gautaborg í Svíþjóð og FC Kaupmannahöfn í Danmörku.
Hér að neðan má sjá myndband þar sem Fulham býður Ragnar velkominn.
— Fulham Football Club (@FulhamFC) August 23, 2016
Athugasemdir
