Þeir yrðu líklega gríðarlega vonsviknir ef hann myndi hverfa á braut, en það verður líklegra með hverjum deginum að það muni gerast.

Samband Benitez og Mike Ashley, eiganda Newcastle, er mjög stirt. Þeir eru víst hættir að tala saman.

„Rafa og Mike þurfa að taka höndum saman og hjálpa félaginu," sagði Shay Given, fyrrum markvörður liðsins, í podcasti.

„Mér hefur verið sagt að þeir tali ekki lengur saman. Lee Charnley, framkvæmdastjóri Newcastle, er núna milliliðurinn í samskiptum þeirra. Það er ekki hentugt," sagði Given enn fremur.

Benitez er ekki sáttur með það sem félagið hefur gert á leikmannamarkaðnum í sumar. Hann vill fleiri leikmenn.