Fjölmargir leikir fóru fram í enska deildabikarnum í kvöld og fór einn þeirra í framlengingu, viðureign Liverpool og Middlesbrough, sem endaði 1-1.

Hæst ber að nefna að Arsenal er úr leik eftir 2-1 tap gegn Southampton. Alexis Sanchez kom Arsenal yfir úr glæsilegri aukaspyrnu á 14. mínútu, en einungis sex mínútum síðar hafði Dusan Tadic jafnað metin úr vítaspyrnu fyrir Southampton. Nathaniel Clyne skoraði svo sigurmark gestanna fyrir leikhlé.

Gylfi Þór Sigurðsson var í byrjunarliði Swansea og skoraði annað mark liðsins í 3-0 sigri gegn Everton. Íslenski landsliðsmaðurinn potaði knettinum í netið eftir varnarmistök frá Sylvain Distin.

Aron Einar Gunnarsson lék allan leikinn fyrir Cardiff sem steinlá á heimavelli, 3-0, gegn Bournemouth.

Þá vann Stoke City sigur gegn Sunderland, 2-1, en hér að neðan má sjá öll úrslit kvöldsins.