þri 23. september 2014 14:30
Magnús Már Einarsson
Suarez spilar gegn U19 ára landsliði Indónesíu
Mynd: Getty Images
Luis Suarez mun spila með B-liði Barcelona í æfingaleik gegn U19 ára landsliði Indónesíu á morgun.

Luis Enrique, þjálfari Barcelona, staðfesti þetta í dag.

Suarez er í leikbanni fram í lok október eftir að hafa bitið Giorgio Chiellini á HM í sumar.

Eftir að Barcelona áfrýjaði fjögurra mánaða banni leikmannsins fékk hann hins vegar leyfi til að æfa með félaginu og spila æfingaleiki.

Fyrsti leikur Suarez í spænsku úrvalsdeildinni verður væntanlega þegar Barcelona mætir Real Madrid þann 25. október en hann verður þá laus úr leikbanninu.
Athugasemdir
banner
banner
banner