Vonin um úrslitaleik FH og Stjörnunnar í lokaumferðinni lifir en 20. umferð lauk í dag. FH er með tveggja stiga forystu á Stjörnuna en Garðabæjarliðið getur í raun þakkað fyrir stigið sem það fékk gegn Fjölni í dag. Hér að neðan má sjá uppgjör umferðarinnar.
Leikur umferðarinnar: KR 3 - 3 ÍBV
Fullt af flottum mörkum, harka, læti og fjör. Það var mikið stuð á KR-vellinum þar sem KR var hársbreidd frá því að stela öllum stigunum eftir að hafa lent 1-3 undir.
Þjálfari umferðarinnar: Guðmundur Benediktsson
Stuðningsmenn Breiðabliks fengu að fagna flottum sigri gegn Víkingi 4-1 eftir offramboð af jafnteflum í sumar.
Mark umferðarinnar: Jonathan Glenn
Mark sumarsins? Jonathan Glenn, leikmaður ÍBV, skoraði gull af marki sem sjá má úr íþróttafréttum Stöðvar 2 með því að smella hérna.
Ekki lið umferðarinnar:
Denis Cardaklija (Fram)
Magnús Matthíasson (Keflavík) - Aron Bjarki Jósepsson (KR) - Ingiberg Ólafur Jónsson (Fram) - Ívar Örn Jónsson (Víkingur)
Henry Monaghan (Víkingur) - Sigurður Marinó Kristjánsson (Þór) - Frans Elvarsson (Keflavík)
Almarr Ormarsson (KR) - Ventseslav Ivanov (Víkingur) - Bojan Ljubicic (Keflavík)
Silfurfat umferðarinnar: Ingiberg Ólafur
Miðvörður Fram gaf Atla Viðari Björnssyni mark á silfurfati í 4-2 sigri Hafnarfjarðarliðsins. Hann skallaði knöttinn snyrtilega til Atla Viðars sem þakkaði fyrir sig og innsiglaði sigur FH.
Atvik umferðarinnar: Þórir steig á boltann
Stjarnan mátti alls ekki tapa fyrir Fjölni en leikurinn endaði með jafntefli 0-0 þar sem Þórir Guðjónsson, leikmaður Fjölnis, klúðraði sannkölluðu dauðafæri í seinni hálfleik þegar hann steig á boltann þegar hann var kominn einn í gegn. Klúður sumarsins?
Þrenna umferðarinnar: Árni Vilhjálmsson
Fyrsta þrenna sumarsins! Loksins! Og hún var stórglæsileg hjá Árna Vilhjálmssyni sóknarmanni Breiðabliks.
Sófaklessur umferðarinnar: Stuðningsmenn Vals
Það var vont veður á sunnudaginn þegar Valur og Þór áttust við. Stuðningsmenn Vals ákváðu flestir að hafa það notalegt heima og aðeins 145 mættu á völlinn. Lélegt.
Eyðimerkurganga umferðarinnar: Keflavík
Keflavíkurliðið hefur ekki unnið leik síðan 22. júní þegar liðið vann Fylki í fyrri umferðinni. Um síðustu helgi mætti liðið Fylki aftur, nú á heimavelli og tapaði 0-1. Keflavík er aðeins stigi frá fallsæti.
Dómari umferðarinnar: Pétur Guðmundsson
Lögreglumaðurinn dæmdi sinn fyrsta leik í efstu deild þegar Valur vann 2-0 sigur gegn Þór. Pétur fékk góða dóma fyrir frammistöðu sína.
Brot af umræðinnu á Twitter #fotboltinet
@danielrunars Það àtti bara enginn sjéns ì Òla. #Hùfur #kalt #ullin #oldschool pic.twitter.com/lILzQKBtOI
— Flameboypro (@Flameboypro) September 21, 2014
Flottustu mörk sem ég hef séð á vellinum:
3. Gaddi Jó með vinstri
2. Jonathan Glenn hjólari
1. Fullt af mörkum hjá Jóa Ben #fotboltinet
— Daníel Geir Moritz (@DanelGeirMoritz) September 21, 2014
Þórsarar skoruðu seinast mark 18 ágúst..... #fotboltinet
— Baldvin Kári (@baldvinkari_) September 21, 2014
Taldi áhorfendurnar á Vodafone. Auðvelt verk. 145 manns í stúkunni. VIPið talið með. Skammarleg mæting #fotboltinet #gaupatwitt
— Magnús Már Einarsson (@maggimar) September 21, 2014
Myndi heimta að spila í pollagalla ☔️ #keflavik #sunnykef #fotboltinet #fotbolti
— Beggi Alfons (@BeggiAlfons) September 21, 2014
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir