Samkvæmt Guardian mun Jurgen Klopp, knattspyrnustjóri Liverpool gera tvær breytingar á byrjunarliði sínu frá 1-1 jafnteflinu gegn Burnley á heimavelli í síðustu umferð.

Joel Matip og Dejan Lovren eru tæpir fyrir leikinn, en búist er við því að Matip og Ragnar Klavan verði miðverðir Liverpool í leiknum.

Sadio Mane er í banni og Daniel Sturridge mun halda sæti sínu í fremstu víglínu með Mohamed Salah og Roberto Firmino sér við hlið.

Frá síðasta deildarleik munu Alberto Moreno og Jordan Henderson koma inn í liðið fyrir Andrew Robertson og Emre Can.

Shinji Okazaki kom inn á sem varamaður í leiknum gegn Liverpool í vikunni og var maður leiksins. Hann mun koma inn í byrjunarlið Leicester á morgun ásamt Christian Fuchs og Vicente Iborra.

Leikur Leicester og Liverpool er seinna í dag, kl. 16:30.