„Það var skemmtilegt að enda þetta svona, það var á báðum áttum hvort við ættum að spila hér eða inni en við sjáum ekkert eftir því að hafa spilað hér," sagði Róbert Jóhann Haraldsson þjálfari Grindavíkur eftir að liðið sló frest á Íslandsmeistaratitil Þórs/KA með 3-2 sigri í dag.
„Það var blautt og smá gola, það bara fylgir því að búa á Íslandi. Bæði lið þurfa að spila í vindinum og bleytunni svo það er ekkert út á það að setja."
„Það var blautt og smá gola, það bara fylgir því að búa á Íslandi. Bæði lið þurfa að spila í vindinum og bleytunni svo það er ekkert út á það að setja."
Lestu um leikinn: Grindavík 3 - 2 Þór/KA
Þór/KA hefði með sigri orðið Íslandsmeistari í dag en þurfa nú að bíða og reyna aftur í lokaumferðinni þegar þær mæta FH. Grindavík gæti reyndar orðið örlagavaldur í þeirri baráttu því aðeins Breiðablik gæti náð þeim og Grindavík fer í Kópavoginn í lokaumferðinni á fimmtudaginn.
„Ég og Donni (Halldór Jón Sigurðsson þjálfari Þórs/KA) erum góðir vinir og ég hefði alveg fagnað með honum ef hann hefði unnið í dag. Ég vildi bara fá góðan leik hjá mínum stelpum og við skuldum okkur sjálfum að sýna tvo góða leiki í lokin. Við höfum skorað á móti öllum liðum í deildinni og náð stigum á móti öllum nema Val og Breiðablik. Það er einn leikur eftir og við ætlum að reyna að ná í stig á Kópavogsvöll og hjálpa Donna þá ef hann klárar þetta ekki sjálfur fyrir norðan."
Nánar er rætt við Róbert í sjónvarpinu hér að ofan.
Athugasemdir