Það var stórleikur í skosku úrvalsdeildinni í dag. Erkifjendurnir Rangers og Celtic áttust við á Ibrox-vellinum.

Þegar liðin mættust á Ibrox á síðasta tímabili vann Celtic 5-1 sigur, en það var í fyrsta sinn sem Celtic skorar fimm mörk á Ibrox.

Þeim tókst ekki að skora fimm mörk í dag, þeir létu sér það nægja að skora tvö mörk. Ástralinn Tom Rogic kom Celtic yfir á 50 mínútu og stundarfjórðungi síðar bætti Leigh Griffiths við öðru marki.

Þar við sat og 2-0 sigur Celtic staðreynd. Celtic er á toppi deildarinnar með 19 stig, þeir eru enn taplausir. Rangers er með 11 stig.