fim 23. október 2014 06:00
Hafliði Breiðfjörð
Elísabet og Lejla í KR - tvær framlengja (Staðfest)
KR er að styrkja sig fyrir átökin í Pepsi-deildinni næsta sumar.
KR er að styrkja sig fyrir átökin í Pepsi-deildinni næsta sumar.
Mynd: Fótbolti.net - Hafliði Breiðfjörð
Elísbet Guðmundsdóttir er gengin í raðir nýliða KR í Pepsi-deild kvenna en hún kemur frá FH sem féll úr deildinni í sumar.

Elísabet ætti að vera öllum hnútum kunnug hjá KR því þar lék hún nýliðið sumar á láni frá FH. Hún skoraði þá eitt mark í 16 leikjum með KR í 1. deild kvenna og Borgunarbikarnum.

Þá hefur félagið einnig fengið til liðs við sig Lejla Cardaklija frá Sindra á Hornfafirði. Lejla hefur alla tíð leikið með Sindra, en missti þó af mótinu í ár vegna meiðsla.

Lejla leikur ýmist á miðjunni eða í vörninni og skoraði fimm mörk í 87 deildar- og bikarleikjum með Sindra.

Þá hefur KR framlengt samninga við tvo leikmenn, Sigríði Maríu Sigurðardóttur og Sigrúnu Birtu Kristinsdóttur. Þær gerðu báðar eins árs samning við félagið.
Athugasemdir
banner
banner
banner
banner