,,Það er auðvelt að gleyma hversu lítið Ísland er. Í Noregi var fólk að hlæja hversu lítið land Malta er eftir að við unnum þá 3-0. Það búa 550 þúsund þar og það er næstum tvöfalt meira en á Íslandi. Ísland vinnur Noreg, Holland og Tyrklandi og það yrði stórt kraftaverk ef liðið fer áfram á EM." sagði Mímir við Fótbolta.net í dag.

Íslenska landsliðið er í 28. sæti á nýjum heimslista FIFA en Norðmenn eru á sama tíma í 68. sæti. ,,Það er mjög niðurlægjandi að 320 þúsund manns geti gert svona mikið betur en við," sagði Mímir og bendir á að Norðmenn vilji læra af Íslandi.

,,Mikið af fólki í Noregi vill læra af því sem Ísland hefur gert. Þetta er ein stærsta fréttin í Noregi núna, hvað Ísland hefur gert til að ná árangri. Ég held að menn frá norska knattspyrnusambandinu muni koma hingað til að læra hvernig svona lítil þjóð getur staðið sig vel á stóra sviðinu."

,,Norðmenn geta lært af Íslandi, sérstaklega hvað varðar menntun þjálfara í yngri flokkum. Þetta er öðruvísi hér en í Noregi þar sem við erum með fótboltapabba sem hafa enga menntun þjálfa liðin. Margir þeir eru góðir en margir þeirra eru slæmir."

Íslenskir leikmenn hafa staðið sig vel í norsku úrvalsdeildinni á þessu tímabili.

,,Mitt lið Viking hefur verið með fimm Íslendinga í liðinu og sá sem er í mestu uppáhaldi hjá mér er Sverrir Ingason. Hann hefur spilað mjög vel og mun líklega fara í stærra félag á einhverjum tímapunkti. Við erum líka hissa á Jóni Daða sem er góður með landsliðinu ykkar en miðlungsmaður með Viking."

Hér að ofan má sjá viðtalið í heild sinni.