Belhanda fékk sitt seinna gula spjald vegna dýfu og voru stuðningsmenn Galatasaray langt frá því að vera sáttir með brottreksturinn, svo þeir létu það bitna á aðstoðardómaranum Tank Ongun.

Áhorfendur köstuðu öllu lauslegu í átt að línuverðinum sem neyddist til að krjúpa þegar hann var hæfður í höfuðið.

Leikmenn Fenerbahce sem voru nálægt hlupu til að skýla dómaranum frá fljúgandi drykkjum, fánum og kveikjurum meðan læknateymið gekk úr skugga um að allt væri með felldu svo leikurinn gæti haldið áfram.

Heimamenn áttu góðan leik og voru óheppnir að skora ekki. Nú eru þeir með sex stiga forystu á toppi deildarinnar eftir níu umferðir.