,,Milan-Inter er er einn af þessum leikjum sem mig hefur alltaf dreymt um að spila, allt frá því ég var krakki. Þegar ég kom hingað í ágúst var það fyrsta sem ég gerði að skoða leikjaplanið og leitaði að leiknum gegn Inter," sagði Spánverjinn.

,,Stuðningsmennirnir hafa beðið mig ítrekað að skora og vinna grannaslaginn," sagði Torres einnig en hann hefur farið rólega af stað hjá AC Milan.

Torres er kominn með eitt mark í níu leikjum en AC er í 7.sæti deildarinnar, 14 stigum á eftir toppliði Juventus.

Inter er með einu stigi minna en AC í 9.sæti deildarinnar en leikurinn í kvöld verður fyrsti leikur Inter undir stjórn Roberto Mancini sem tók nýverið við liðinu í annað sinn.