Bolasie var gríðarlega öflugur gegn Liverpool í dag en vörn gestanna náði engum tökum á leikmanninum.

Hann átti stóran þátt í fyrsta marki leiksins er hann hamraði af 25 metra færi og í stöng áður en Dwight Gayle tók frákastið og skoraði. Þá lagði hann upp annað markið en leikur hans var nánast óaðfinnanlegur.

,,Þetta hefur verið ein besta vika lífs míns. Að komast í Afríkukeppnina með Kongó þar sem ég skoraði tvö mörk og svo leggja eitt upp í dag. Ég gerði vel gegn Liverpool á síðasta ári og var með góða tilfinningu fyrir leiknum í dag," sagði Bolasie.