Mótherjinn í dag var Stoke City og niðurstaðan var 3-1 sigur heimamanna í Stoke.

Chris Brunt mætti skiljanlega svekktur í viðtal eftir leikinn þar sem hann talið um hversu erfitt væri að rífa sig upp úr stöðunni sem þeir eru í.

„Þegar þetta gengur svona eins og þetta gengur hjá okkur núna þessa dagana þá er virkilega erfitt að ná að rífa sig upp úr því," Brunt vísaði þar í slæman árangur liðsins.

„Okkur skortir augljóslega sjálfstraust, stuðningsmennirnir borguðu væna upphæð til að koma og styðja okkur, þeir hafa sinn rétt á að láta í sér heyra þegar það gengur svona."

„Vonandi getum við snúið þessu við sem fyrst, við höfum oft spilað verr en þetta á tímabilinu og fengið stig," sagði Chris Brunt að lokum.

West Brom er í 19. sæti ensku úrvalsdeildarinnar og þeir fá næst Everton í heimsókn á öðrum degi jóla.