Gylfi Þór Sigurðsson kom Swansea yfir gegn Blackburn í enska bikarnum í dag með glæsilegu skoti.

Gylfi skoraði með föstu skoti fyrir utan vítateig á 21. mínútu en boltinn fór upp í bláhornið.

40 mínútur eru liðnar af leiknum þegar þetta er skrifað og staðan er 1-1 en Chris Taylor jafnaði fyrir Blackburn á 23. mínútu.

Swansea er manni færri eftir að Kyle Barkley fékk rauða spjaldið á sjöttu mínútu.

Hér að neðan má sjá myndband af markinu.