Tveimur leikjum er lokið í B-deild Lengjubikars karla í dag, en leikið var í Riðli 3 og Riðli 4.

Í Riðli 3 mættust Þróttur Vogum og KFS, en leikið var á Leiknisvelli. Þróttarar voru ívíð sterkari og þegar flautað var til hálfleiks var staðan 6-0. Þeir bættu við fjórum mörkum í seinni hálfleik og lokatölur því 10-0 fyrir Þrótti V.

Þessi úrslit þýða það að Þróttur V. er með þrjú stig í þriðja sæti riðilsins á meðan KFS er án stiga á botninum.

Í öðrum leik sem fram fór á sama tíma mættust Höttur og Völsungur á Fellavelli. Það fór svo í þeim leik að Völsungur bar sigur úr býtum, 3-2.

Þau úrslit þýða það að Völsungur er með fjögur stig í þriðja sæti Riðils 4, en Höttur er aftur á móti með sex stig á toppi riðilsins.