Gummi Tóta í leik með Nordsjælland.
Á vefsíðunni adressa.no er sagt að miðjumaðurinn Guðmundur Þórarinsson gæti verið kominn í Rosenborg í Þrándheimi fyrir 1. apríl. Rosenborg er í viðræðum við Nordsjælland um kaup á Selfyssingnum.
Rosenborg er ríkjandi Noregsmeistari og stórveldi í Skandinavíu en fyrir hjá félaginu eru tveir Íslendingar; Hólmar Örn Eyjólfsson og Matthías Vilhjálmsson.
Guðmundur hefur leikið fyrir öll yngri landslið Íslands auk þess að eiga þrjá leiki fyrir A-landsliðið, síðast lék hann fyrir landsliðið gegn Bandaríkjunum í janúar.
Rosenborg er sagt hafa fylgst með hinum 23 ára Guðmundi um nokkurt skeið en hann lék tvö tímabil með Sarpsborg í norsku úrvalsdeildinni áður en hann gekk í raðir danska liðsins þar sem hann er á sínu öðru tímabili.
Athugasemdir
