„Við vissum fyrir leikinn að þetta yrði mjög erfitt," sagði Arnór Ingvi Traustason eftir 2-1 sigur Íslands á Kosóvó í kvöld.
„Þeir eru búnir að fá leikmenn sem eru mjög góðir og þeir voru mjög góðir á meðan við vorum ekki að sýna okkar besta en þetta hafðist."
Arnór Ingvi átti stóran þátt í fyrra marki Íslands. Hann komst þá framhjá varnarmanni Kosóvó eftir að sending hans fór í annan leikmann Kosóvó og upp kantinn. Í raun fór Arnór í þríhyrningsspil með mótherja!
„Það var smá heppni yfir þessu. Heppnin var mér í vil. Það var gott að fá mark út úr þessu," sagði Arnór.
Hér að ofan má sjá viðtalið í heild sinni.
Athugasemdir