Lestu um leikinn: Kosóvó 1 -  2 Ísland

„Við hefðum getað pressað þá aðeins betur varnarlega, en eftir að við skoruðum byrjuðum við að spila aðeins betur en hefðum getað gert betur. Svo kom klaufalegt mark í seinni hálfleik sem bauð upp á óþarfa pressu."

Með sigrinum er ljóst að Ísland getur jafnað Krótaíu að stigum á toppi riðilsins þegar liðin mætast í júní.

„Það eina sem skipti máli var að fá þrjú stig. Hvort það hefði verið að spila góðan fótbolta og vinna 3-4 núll, eða að vinna svona eins og í dag, það er oft sætara að vinna svona. En þetta býr til skemmtilegan leik á móti Króatíu í júní."

Gylfi skoraði annað mark Íslands úr vítaspyrnu en var komin spenna í hann í aðdraganda spyrnunnar? „Þetta var óþarflega langur tími því það var eitthvað riflildi fyrir utan boxið, en ég náði að einbeita mér að því að hitta markið og sem betur fer fór hann í vitlaust horn."

Síðustu mínúturnar reyndi íslenska liðið að halda boltanum í hornunum á vellinum og lítið gerðist.

„Þeir negldu alltaf fram á stóra framherjann og það gekk ágætlega hjá þeim, við vorum í basli með það. Þeir voru nokkuð góðir að pikka upp seinni boltana. Þegar við fengum boltann þá reyndum við að fara í hornin og tefja leikinn. Láta klukkuna líða, það gekk ágætlega þó við hefðu nokkrum sinnum geta gert það aðeins betur. Það sýnir reynslu í liðinu að vera ekkert að krossa hann beint á markmanninn og fá skyndisókn á móti okkur. Við náðum að drepa leikinn."

Nánar er rætt við Gylfa í sjónvarpinu að ofan.


Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.

Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki