Íslenska landsliðið sótti þrjá gríðarlega mikilvæga punkta til Albaníu í undankeppni HM í kvöld, en þar mættu okkar menn Kosóvó í gríðarlega erfiðum leik.

Björn Bergmann Sigurðarson og Gylfi Þór Sigurðsson komu Íslandi í 2-0, en þannig var staðan í hálfleik. Í upphafi síðari hálfleiks náði Atdhe Nuhiu að minnka muninn fyrir Kosóvó.

Lengra komust heimamenn þó ekki og sigur Íslands því staðreynd. Ísland er eftir þennan leik í öðru sæti I-riðils með 10 stig, þremur stigum minna en Króatía.

Smelltu hér til að sjá mörkin úr leiknum af vefsíðu RÚV.

Næsti leikur Íslands er toppslagur gegn Króatíu á Laugardalsvelli í júní, en hér að neðan má sjá sötðuna í riðlinum í heild sinni.

Staðan í riðlinum:
1. Króatía 13 stig (+10)
2. Ísland 10 stig (+2)
3. Úkraína 8 stig (+3)
4. Tyrkland 8 stig (+2)
5. Finnland 1 stig (-5)
6. Kosóvó 1 stig (-12)