Viðar Örn í leiknum í kvöld.
„Maður hefði viljað skora og gera aðeins betur, en mér fannst ég gera ágætlega úr því sem ég fékk. Ég er ágælega sáttur með minn leik, en að sjálfsögðu hefði ég getað gert betur," sagði sóknarmaðurinn Viðar Örn Kjartansson um sína frammistöðu eftir 2-1 sigur á Kosóvó í undankeppni HM í kvöld.
Viðar Örn fékk tækifæri í byrjunarliðinu og byrjaði fremstur með Birni Bergmanni Sigurðarsyni, sem tókst að skora, en Viðar var sáttur með að fá þrjú stig úr leiknum.
Viðar Örn fékk tækifæri í byrjunarliðinu og byrjaði fremstur með Birni Bergmanni Sigurðarsyni, sem tókst að skora, en Viðar var sáttur með að fá þrjú stig úr leiknum.
Lestu um leikinn: Kosóvó 1 - 2 Ísland
„Við byrjuðum ekki alveg nógu vel og það var mikill kraftur í þeim. Þeir töluðu um að við værum með hávaxnara lið, en þeir voru bara með stóra og sterka menn," sagði Viðar við Fótbolta.net eftir leik.
„Þetta var alls ekki létt í byrjun, en svo komumst við í 2-0 og erum kannski smá kærulausir í seinni hálfleik. Þriðja markið hjá okkur hefði gert út um leikinn, en við hleyptum þeim inn í þetta og úr varð leikur."
Viðar segir að það hafi verið erfitt að mæta Kosóvó, sem er nýtt aðildarríki innan FIFA. Þeir eru að ná í marga nýja leikmenn og að sögn Viðar munu þeir fara hratt upp FIFA-listann fræga.
„Þeir eiga eftir að fara hratt upp FIFA-listann. Það er mjög erfitt að spila á móti þeim á útivelli og maður sá að þeir gáfu gjörsamlega allt í þetta."
Hér að ofan má sjá viðtalið í heild sinni.
Athugasemdir
