„Margir áttu skínandi leik og aðrir ekki"
Heimir og teymi hans er með stóran hóp í þessu verkefni og er markmiðið að leita að svörum.

„Við vorum alltaf inn í leiknum og áttum möguleika að skora. Þeirra mörk voru ólík því sem við fáum vanalega á okkur. Almennt er ég nokkuð ánægður með frammistöðuna."

„Það voru margir leikmenn sem áttu skínandi leik og aðrir ekki. Við erum að þessu til að fá svör. Við erum með stóran hóp og menn fá tækifæri, sumir nýta það vel og aðrir ekki. Það er kostnaðarsamt að leita að svörum," sagði Heimir.

Skrýtið að tala um góðan varnarleik eftir 3-0 tap
Heimir var nokkuð sáttur með varnarleikinn, að minnsta kosti framan af, þrátt fyrir að leikurinn hafi endað eins og hann endaði.

„Það er ömurlegt að segja þetta eftir að hafa fengið þrjú mörk á sig en við spiluðum varnarleikinn okkar mjög vel. Mér fannst fyrri hálfleikurinn framúrskarandi."

„Við gerðum nokkuð marga hluti vel, hér voru leikmenn að spila sem hafa ekki spilað mikið í þessum hópi. Það getur verið kostnaðarsamt á móti liði eins og Mexíkó en öðruvísi fáum við ekki svör, nema við gefum mönnum tækifæri."

Aron Einar Gunnarsson, landsliðsfyrirliði, fór af velli í hálfleik en hann hefur verið tæpur vegna meiðsla.

„Það er alltaf missir þegar hann er ekki með okkur. Við erum með menn sem geta fyllt í hans skarð. Það hefði verið óráðlegt að spila hon­um leng­ur, hann er að koma til baka. Það er mikilvægur kafli hjá honum með Cardiff og vonandi getur hann klárað það með sóma."

Viðtalið má sjá með því að smella hér