Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 24. mars 2018 04:29
Magnús Már Einarsson
Mexíkó skoraði þrjú gegn Íslandi - Of stórt miðað við gang leiksins
Icelandair
Björn Bergmann Sigurðarson með boltann í leiknum í kvöld.
Björn Bergmann Sigurðarson með boltann í leiknum í kvöld.
Mynd: Fótbolti.net - Hafliði Breiðfjörð
Mexíkó 3 - 0 Ísland
1-0 Marco Fabian ('37)
2-0 Miguel Layun ('64)
3-0 Miguel Layun ('91)

Sjáðu mörkin úr leiknum af vef RÚV

Mexíkó vann Ísland 3-0 í vináttuleik á Levi´s leikvanginum í Santa Clara í Bandaríkjunum í nótt. Miðað við færin í leiknum voru úrslitin of stór en Ísland fékk ekki færri færi en Mexíkóar í leiknum.

Ísland hafði átt hættulegri færi í fyrri hálfleik áður en Marco Fabian skoraði eftir óbeina aukaspyrnu utan vítateigs á 37. mínútu. Aukaspyrnan var dæmd á Emil Hallfreðsson en dómurinn var mjög strangur.

Mexíkóar juku forskot sitt á 64. mínútu þegar Miguel Layun skoraði með góðu skoti í stöng og inn eftir að varamaðurinn Carlos Vela sneri Ara Frey Skúlason af sér og átti stoðsendinguna.

Íslenska liðið komst tvívegis nálægt því að minnka muninn'i sömu sókninni á 76. mínútu. Fyrst átti varamaðurinn Viðar Örn Kjartansson hörkuskot í stöng úr þröngu færi.

Boltinn barst aftur á fjærstöngina á Viðar sem sendi fyrir á Hólmar sem skoraði í autt markið. Markið var dæmt af vegna rangstöðu en það virtist vera umdeildur dómur.

Í viðbótartíma skoraði Layun annað mark sitt og þriðja mark Mexíkó. Layun var um 25 metra frá marki á móts við vítateigslínuna hægra megin þegar hann lét vaða. Rúnar Alex bjóst við fyrirgjöfinni og Layun nýtti sér það með því að lyfta boltanum yfir hann. Vel gert hjá Layun en Rúnar Alex er eflaust ekki sáttur með þetta mark.

Íslenska landsliðið heldur nú til New York þar sem liðið mætir Perú á þriðjudaginn.

Smelltu hér til að sjá textalýsingu frá leiknum
Athugasemdir
banner
banner
banner