Íslandsmeistarar Þórs/KA áttu ekki í teljandi vandræðum með FH í Lengjubikarsleik í Boganum í dag.

Margrét Árnadóttir kom Þór/KA yfir á 17. mínútu en staðan var 2-0 í hálfleik þar sem Anna Rakel Pétursdóttir hafði bætt við öðru marki fyrir hlé, og var það úr vítaspyrnu.

Um miðjan seinni hálfleikinn bætti Hulda Ósk Jónsdóttir við þriðja markinu áður en Marjani Hing-Glover, sem kom frá Haukum, minnkaði muninn fyrir FH.

Lokatölur 3-1 og er þetta annar sigur Þórs/KA í röð. Liðið er með sjö stig eftir að hafa leikið sína fimm leiki, í þriðja sæti - liðið er komið í undanúrslit. Þetta var líka síðasti leikur FH en liðið endar með þrjú stig.

Markaskorarar af urslit.net