Lundúnafélögin Arsenal og Tottenham hafa áhuga á varnarmanninum Aymen Abdennour frá Túnis. Þessi mikils metni varnarmaður Monaco hefur verið undir smásjá Arsenal í nokkurn tíma. Þetta segir umboðsmaður hans.
Þá er sagt að stór félög á Spáni og Ítalíu hafi einnig áhuga þessum 25 ára leikmanni sem er samningsbundinn Monaco til 2019.
„Ég tel hann hafa sannað það að hann er einn besti leikmaðurinn í sinni stöðu í Evrópu. Hann er bara 25 ára og félög fylgjast grannt með honum. PSG þar á meðal. Þetta er þó ekki komið á viðræðustig," segir umboðsmaðurinn.
Fróðlegt verður að sjá hvort eitthvað gerist í málum leikmannsins í sumar.
Athugasemdir