„Við eigum eftir að skoða það í róleg heitunum," segir hann, en hvað með lang tíma markmið félagsins?

„Markmiðið okkar er að búa til alvöru knattspyrnulið hjá Val. Lið sem er samkeppnishæft við bestu liðin í deildinni. Hvort það taki 1-2 daga eða 1-2 ár það verður að koma í ljós. Því fyrr því betra."

Í leit að styrkingu
Það má búast við því að Valsmenn styrki sig með erlendum leikmönnum á næstu dögum. Að minnsta kosti eru þeir að leita af 2-3 erlendum leikmönnum. Ólafur segir það ekki vera áhyggjuefni að félagið sé enn að leita af styrkingu, svona stutt í mót.

„Það væri þó óska kostur að vera tilbúinn með liðið á þessari stundu. Í okkar tilfelli er það hinsvegar ekki þannig. Við erum ekki að leitast eftir leikmönnum í einhverri sérstökum stöðum. Við erum helst að reyna stækka hópinn. Við þurfum aðeins breiðari hóp," segir Ólafur. Daði Bergsson, Baldvin Sturluson og Kristinn Ingi Halldórsson hafa verið að glíma við meiðsli í vetur en þeir eru þó allir að koma til. Kristinn Ingi er til að mynda byrjaður að æfa með liðinu.

„Hann hefur verið að æfa núna og það lítur ágætlega út með hann. Það verða allir heilir þegar mótið byrjar, eins og staðan er í dag."

Félögin berjast um sömu mennina
Valsmenn hafa fengið til sín sex leikmenn í vetur auk þess sem Andri Fannar Stefánsson og Einar Karl Ingvarsson hafa snúið til baka eftir hafa verið lánaðir í 1.deildina um mitt síðasta sumar.

„Ég er ánægður með liðstyrkinn sem við höfum fengið. Við höfum styrkt okkur ágætlega og þeir leikmenn sem hafa komið líta nokkuð vel út. Flest félög eru að berjast um sömu mennina, sumir fengu þá og aðrir ekki. Það er nú í þessum bransa eins og í öllu öðru."

Einn af þeim leikmönnum sem Valur fékk í vetur er Orri Sigurður Ómarsson, leikmaður U-21 árs landsliðs Íslands. Hann hefur undanfarin ár leikið með unglingaliði AGF í Danmörku.

„Hann hefur staðið sig mjög vel með okkur. Hann á alla möguleika á að verða góður leikmaður og ná langt. Hann er rétt tæplega tvítugur og á enn langt í land. Hann er hinsvegar tvímælalaust mjög efnilegur," segir Ólafur sem býst við tveggja hesta hlaupi um Íslandsmeistaratitilinn, á milli FH og KR.

„Ég held að það sé nokkuð ljóst að FH eða KR vinni titilinn. Annað liðið verður alltaf fyrir vonbrigðum ef það verður ekki meistari. Allt annað en sigur, og það tiltölulega snemma í mótinu yrðu vonbrigði fyrir bæði lið," segir Ólafur og er ekkert að skafa af hlutunum.

„Við stöndum langt á eftir þessum tveimur liðum. Þeir eru með betri fótboltamenn en við og alveg örugglega meiri peninga en við. Það helst saman í hendur, peningar og árangur."

Yfirleitt lítil vandræði fyrir tímabilið
Ólafur Jóhannesson og Sigurbjörn Örn Hreiðarson tóku við liði Vals undir lok síðasta árs. Þeir þjálfuðu saman lið Hauka í 1.deildinni sumrin 2012 og 2013. Sumarið 2014 var Ólafur í fríi frá þjálfun á meðan Sigurbjörn var einn við stjórnvölinn á Ásvöllum. Hann þekkir vel til á Hlíðarenda og oft kallaður Herra Valur.

Sjálfur lék Ólafur með Val sumarið 1987. Hann segir að þeir félagar hafi fengið góðar viðtökur á Hlíðarenda.

„Við höfum ekki upplifað neitt annað en gott á Hlíðarenda. Bjössi er uppalinn þar og þekkir alla innviði. Við erum ekki enn byrjaðir að spila alvöru leiki. Það er yfirleitt lítil vandræði áður en liðið byrjar að spila hér, líkt og annarsstaðar" sagði smiðurinn að lokum.