Tveir leikir eru í íslenska boltanum í kvöld.

Íslandsmeistarar FH og bikarmeistarar Vals mætast í Meistarakeppni KSÍ í kvöld.

Bæði lið hafa verið á góðu róli á undirbúningstímabilinu og komust bæði lið uppúr riðli sínum í Lengjubikarnum. Valur dró sig hins vegar úr keppni á meðan FH datt út í undanúrslitum gegn KR.

Stutt er í mót og verður áhugavert að sjá hvernig liðin mæta til leiks.

Í hinum leik kvöldsins mætast Stál-úlfur og Njarðvík í Borgunarbikarnum. Þetta er síðasti leikur fyrstu umferðar í bikarnum og mætir sigurliðið ÍR í næstu umferð.