Þó svo að tímabilinu í ensku úrvalsdeildinni er lokið þá eru sum lið ekki enn komin í sumarfrí þar sem tíminn er nýttur í keppnis- og æfingaferðir.
Til að mynda mættust Chelsea og Manchester City í Saint Louis í Bandaríkjunum í nótt þar sem Manchester City kom til baka og vann leikinn 4-3 eftir að hafa verið 0-3 undir.
Til að mynda mættust Chelsea og Manchester City í Saint Louis í Bandaríkjunum í nótt þar sem Manchester City kom til baka og vann leikinn 4-3 eftir að hafa verið 0-3 undir.
Demba Ba, Cesar Azpilicueta og Oscar komu Chelsea í 3-0 en leikmenn Manchester City gáfust ekki upp og náðu að jafna leikinn fimm mínútum fyrir leikslok með marki frá Javi Garcia og tveimur mörkum frá Edin Dzeko.
Í uppbótartíma tryggði síðan Micah Richards Manchester City magnaðan sigur en liðin mætast aftur annað kvöld klukkan 21:30.
Þá lék Gylfi Þór Sigurðsson allan leikinn með Tottenham á Bahama-eyjum þegar liðið gerði markalaust jafntefli við landslið Jamaíka.
