Rafael Benítez verður næsti þjálfari Napoli en þetta staðfesti Aurelio De Laurentiis forseti félagsins í samtali við ítalska fjölmiðla í dag.
Benítez mun skrifa undir tveggja ára samning við Napoli innan tíðar.
Benítez mun skrifa undir tveggja ára samning við Napoli innan tíðar.
Benítez tekur við Napoli af Walter Mazzarri sem hætti á dögunum eftir að hafa stýrt liðinu í annað sætið í Serie A.
Hinn 53 ára gamli Benítez tók við Chelsea í nóvember í fyrra en ljóst var að hann myndi einungis stýra liðinu út tímabilið.
Benítez þekkir aðeins til á Ítalíu því hann tók við Inter sumarið 2010 en hætti eftir einungis nokkra mánuði í starfi.




